Chawngte-ah Citizen Care- Grievance Redressal Day

Zonuna Kawlni (LENKAWL) • February 8, 2025 • Comments • Mizoram

Lawngtlai District Bawrhsap Pisa bultuma 'Citizen Care- Grievance Redressal Day' (Khua leh tuite Ngaihsak-Harsatna Chinfel Ni) hman thin chu a thawh nga-na atan nimin khan Sub-Divisional Officer (Civil) Conference Hall, Chawngte-ah hman leh a ni a, he hunah hian sawrkar Office 11 - Superintendent of Police (SP), Executive Engineer PHE), Executive Engineer P&), District Research Officer (DRO), Chief Medical Officer (CMO), District Commissioner of State Tax, District Civil Supplies Officer (DCSO), Election Officer (EO), District Education Officer (DEO) leh Lead Bank Manager (SBI) bakah BDO, Chawngte, chu mipuite dawr theih turin dawhkan hrang hrangah an inphochhuak a ni. Nimin-a he hun hman hi mipuiten hlutin an ngaipawimawh hle a; Lawngtlai kal kher ngai lova sawrkar Official-ten an lo kalchilh chu thinlung taka an lawmthu an sawi a. Mi thahnem takin sawrkar department hrang hrang inphochhuakte hi dawrin an harsatnate an thlen a ni.