MSU dinchampha lawm

Mizo Students’ Union (MSU) chuan an pawl dinchampha vawi 24-na chu nimin, February 12, 2025 khan Aizawl-a I&PR Auditorium-ah an hmang a, he hun hi Higher & Technical Education Department changtu Commissioner & Secretary H. Lalengmawia chuan a hmanpui a, zirlai hruaitu kalkhawmte chu harsatna leh manganna avanga beidawng ngailo turin a fuih a. Mizote zingah Civil Service kan tlem tawh avangin tan la turin zirlaite a chah bawk. MSU Sr. Adviser Prof. JV Nungchunga pawhin MSU chuan thil pathum dinchhan a nei tih sawiin, Zirlaite tan, Mizo chi peng hrang hrang te inpumkhatna atan leh Mizoram leh hnam tana ding tlat turin a fuih a. Hleprukna leh diklohna laka inthiarfihlim tlat turin a fuih bawk.

He hunah hian MSU President B. Lal-khawngaihzuala pawhin MSU chuan zirlaite tanpui chu a tum ber a nih angin, School Session tan leh dawna Admission Fee-a harsatna neite chu MSU-in theihtawpa tanpui zel an tum thu a sawi a. Ram leh hnam humhalh chu MSU dinchhan pakhat a nih avangin theihtawpa ram leh hnam tana ke an pen zel dawn thu a sawi bawk.