Mizoram tlawh tur leh Mizoram lam hawi turin sawm

Zonuna Kawlni (LENKAWL) • February 7, 2025 • Comments • Mizoram

Ministry of Development of North Eastern Region (DoNER) buatsaih, North East Investors Summit chu niminpiah tlai khan Chennai-ah neih a ni a, Mizoram atangin LESDE changtu Minister Lalnghinglova Hmar chu telin Mizoram chu investor-te tana hmun tha, hmasawnna hnathawhna tura kawng hawng zautu a nih avangin Mizoram tlawh tur leh Mizoram lam hawi turin he Summit-a tel te chu a sawm a. Mizoram in tunhnaiah thlai a thar thahnem dawn tih sawiin, a bikin sawrkarin lei a intiam tawhna - Sawhthing, Hmarcha, Sieng leh Hmunphiah te lei tur a awm dawn tiha sawi a, a hlawma lei duhte tan Mizoram sawrkarin kawng a hawng zau zel dawn tih sawiin, Mizoram sawrkar chuan kuthnathawktute bana a kaih thu a sawi lang bawk a ni.

Minister Lalnghinglova Hmar chuan Mizo thalaite State pawna hnathawka an chhuah nasat thu leh a bikin Hospitality service lamah hnuhma an neih that thu kalkhawmte a hrilh a, hei hi lian thama kalpui turin investor tha mamawh a nih thu a sawi langbawk a mi.