Mizoram leh Myanmar inkalpawhna khuahkhirh zel

India (Mizoram) leh Myanmar inkalpawhna,Tiau lui-a Lei chu a hma anga zalen taka inkalpawh theih loh turin Assam Rifles te an la duty chhunzawm zel.

Zokhawthar atanga Zalen thudawn danin ramri vengtu, Assam Rifles chuan January 1, 2025 atang khan Zokhawthar-Khawmawi Tiau Lei kaltlanga lut leh chhuak turte atangin document (Aadhaar/voter ID) an phut a, hei hi tun thlengin kalpui a la ni a, a hma anga zalen taka inkalpawhna kawngah hei hian harsatna a thlen mek a ni. Thudawnna in a sawi danin Mizoram atanga Myanmar rama lut turin Aadhaar Card leh document dang nei lo chu kaltlang phal a ni lo a, Myanmar lam atanga India/Mizorama lut turin Myanmar thuneitute hriatpuina lehkha keng lo chu gate paltlang phal a ni lo bawk.

Tun dinhmunah ramri, Tiau Lei-a Assam Rifles duty-te hian Champhai District chhung mi leh sa leh Mizoram hmun danga khawsa an thlir hranpa lo a, an en ber chu Aadhaar leh Voter ID a ni a. Hei hian Mizoram ai mahin Myanmar-a Zohnahthla kte a nghawng na niin thudawnna chuan a sawi bawk. Ramri kâna veivakte khauh zawka khuahkhirhna hi sawrkar laipuia Ministry of Home Affairs atanga December, 2024-a thupek anga kalpui nia sawi a ni.