Minister in ranchaw sem

AH&Vety Minister C. Lalsawivunga chuan nimin khan Selesih-a AH & Vety Farm atangin Durtlang leh Sihphir-a Bawngvulhtu 41 hnenah a thlawn in bawngchaw tur buhpawl a sem a, Bawnghnute, Artui leh Sa-a intodelh tur chuan ranchaw atanga bul tan a ngai tih sawiin, hemi kawnga hmalakna neih mekah Department lama thawktute kuthnathawktute tana thahnemngai taka inpekna tak tak nen an thawk chu lawmawm a tih thu a sawi bawk. Thenzawl Vety Farm-a ranchaw (fodder) chinna hmun acre 57-a zau chu Vety Minister C. Lalsawivunga hovin kum 2023-24 chhung khan acre 70-a zauhin, a vaiin acre 127 a huam ta a. Selesih Hay House atangin Fodder tharchhuah te hi a thlawn in semchhuah a ni ta a ni. Thenzawl bakah hian Selesih, Thing-dawl, Lungpuizawl, Mampui leh Siaha-ah te Vety Department hian ranchaw a ching a. Heng hmun ami te erawh hralhchhuah emaw, thawn-chhuah tham ni lovin a hmuna ranvulhte tana hman a ni. Nimin-a a thlawn a sem bak hi a man tlawm thei ang bera hralhchhuah tum a ni.