Aizawl-ah Exam theih dawn

Mizo Zirlai Pawl (MZP) General Hqrs. chuan nimin khan Extended OB Meeting vawi 670-na chu Aizawl-a MZP Pisapui-ah neiin Mizoram-ah Rêl a lo luh dawn avanga Railways hnuaia hna hrang hrang awmah zirlaite awlsam zawka an luh theih nan Mizoram Governor leh Mizoram MP (Rajya Sabha) hnenah hmala tura an ngenna chungchang an sawiho a. MZP ngenna avanga Railways hnuaia hna hrang hrang awmte Aizawl-ah exam a ni tawh tur chu lawmawm an tih thu sawiin, Mizoram Governor General (Dr.) VK Singh leh Rajya Sabha MP leh Parliamentary Committee on Railways Member K. Vanlalvena ten MZP ngenna ngaipawimawh a theihtâwp an chhuah avangin an lawm hle tih an sawi. MZP chuan kum 2008 atanga ‘Zoram Ni’ an hman thin chu kumin pawh hian ‘Tho la ding ta che’ tih thupui hmangin March 5-ah hman leh nise an ti bawk.