Aspirational District zingah Mamit in lawmman dawng

Ramchhunga District hnufual chawikanna tura duan NITI Aayog Aspirational District Prog-ram-ah Mizoram-a Mamit District chu Financial Inclusion leh Skill Development huanga ti tha berah thlan a ni.

National Institution for Transforming India (NITI Aayog) hian niminpiah khan Aspirational District Program hnuaia ramchhunga District titha 36 an tarlang a, Mizoram atangin Mamit District chu mitin huap sum leh pai lama hmasawnna – Financial Inclusion leh Eizawng tura thiamna – Skill Development lama hmasawnna kawngah titha ber a ni a, hei hian lawmman atan cheng vbch 3 a keng tel dawn a ni.

NITI Aayog in ramchhunga State 16-a District ti tha a puan zingah hian hmarchhak atangin Mizoram chu a lang awmchun a ni a, Aspirational District Program hnuaiah hian intihsiakna hrang hrang awmin hriselna dinhmun, lo neia eizawnna, mipui hmasawnna leh zirna lama hmasawnna bakah Mamit District in lawmman a dawnna mitin huap sum leh pai lama hmasawnna leh eizawng tura thiamna te a tel a, heng bakah hian intihsiakna hrang hrang a awm bawk a ni.