MCC bawhchhia a puh Minister insawifiah turin ti

State Election Commission (SEC) Mizoram chuan Minister pahnih, Vanlalhlana leh Lalnghinglova Hmar te chu Village Council leh Local Council inthlan lo awm tura inkaihhruaina, Election Model Code of Conduct bawhchhia a hekna an dawn chungchangah insawifiah turin a hriattir.

    State Election Commission (SEC) hian Zirtawpni khan Minister pahnihte hi hemi chungchanga insawifiah tura hriattirna lehkha a pe a, SEC a hekna lutah hian Cabinet Minister Vanlalhlana chu a Minister Office atanga campaign-ah puh niin Model code of Conduct dan-Chapter VIII (1) bawhchhiatna a nih thu leh Minister of State Lalnghinglova Hmar chu a Bial, Aizawl West-II ZPM Candidate te kokhawm a, a thusawina ah a bial chhung hmachhawpte MCC kalh zawnga puangzarah puhin MCC dan- Chapter VIII (2) leh (14) bawhchhiatna a nih avangin insawifiah tura tih a ni bawk, heng an puhna te hi thudik a ni em tih sawifiahna chu Vawiin, Thawhtanni tlai dar 4:00 hma a ziaka thlen tura hriattir an ni tih SEC hotute chuan an sawi.

Comments