Lengpui in IAF kuta Airport hlan an duh lo

Lengpui Joint Committee chuan enkawltu dang hnena Lengpui Airport hlan a that lohna an hriat loh rualin, India Air Force kut khera hlan tha an ti lo tih an sawi a, he an duh lohna hi sawrkar aiawhte hnenah pawh an thlen tawh.

Thudawn danin kumin kum bul lama Lengpui khuaa NGO hrang hrang leh VC te thukhawm chuan IAF kuta Lengpui Airport hlan an duh lo tih thutlukna an siam a, he an thutlukna hi enkawltu dang hnena Airport hlan zirchiangtu, Working Committee hnenah pawh an hriattir tawh a. Lengpui khawtlang hruaitute chuan enkawltu dang hnena Airport hlan hrim hrim an dodal lo tih sawiin, IAF kut khera hlan erawh an duh lo tih an sawi a. Mizoram sawrkarin IAF kuta hlan tura hmalakna a kalpui zel a nih chuan a tawp thlenga dodal an tum thu an sawi bawk.

Tarlan tawh angin Mizoram sawrkar chuan IAF kuta Lengpui Airport hlan turin hmalakna a kalpui mek zel a, tun dinhmunah Draft Memorumdum of Agreement (MoA) pawh duan fel thawkhat a ni tawh bawk a ni.

Comments