LADC-ah CEM thar pawmna Larsap in a tichhuak

Lai Autonomous District Council (LADC)-a Chief Executive Member (CEM) atan ZPM hruaitu leh Paithar Bialtu MDC V. Zirsanga Governor in a pawmna chu nimin khan tihchhuah a ni a, ni 30 chhungin thlawptu a neih dan fiah tura tih a ni bawk.

    LADC-a Congress leh MNF ten Sawrkar intawm an siam chuan thlawptu a nei ngah tawk loh avangin Governor chuan Sawrkar dinglai fiah nan February 12, 2025 khan Floor Test nei turin a ti a, hemi ni hian CEM C. Lalmuanthanga chuan CEM atanga banna a thehluh vangin LADC Sawrkar dinglai chu a tlu ta a ni. Hemi hnu hian ZPM Legislature Party hruaitu V. Zirsanga chuan LADC-ah ZPM in Sawrkarna an siam theih thu Governor ah thlenin, Governor in CEM atan V.Zirsanga a pawmna hi a tichhuak ta a ni. Member 25 awmna LADC-ah hian ZPM in MDC 13 neiin, MNF in 11 leh Congress in pakhat an nei a ni.