Kolasib-ah NH siamthat mek dinhmun thlirho a ni

Kolasib District-a National Highway 306 leh 06 thawmthat hna chak zawka a kal theih dan tur ngaihtuahin nimin khan Bawrhsap Robert C. Lalhmangaiha hovin thutkhawm neih a ni a. He huna NHIDCL hnuaia Contractors ten an hnathawh dan tlangpui report an pe a. BR Goyal Construction company chuan Mualkhang leh Khamrang inkarah km 4 black topping an zo tawh tih sawiin, maintenance hna hi kalpui chhunzawm zel anih thu an sawi a. Balaji Construction Company pawhin Vairengte leh Bilkhawthlir inkar Black topping chu an tan tawh tih sawiin, Vairengte - Bilkhawthlir leh Kolasib - Kawnpui inkar thawmthat hna chu kumin March ni 31 hmaa an zawh theih an in beisei thu an sawi. Mizoram PWD aiawhin R. Lalduhthlanga, Senior EE pawhin Bilkhawthlir leh Kolasib inkar leh Khamrang leh Kawnpui inkar pothole leh khuar dangte hnawh mam hna chu an kalpui mek thu a sawi bawk a ni.