Intiamkamna anga thawk tha lo MSU in an dem

Mizo Students' Union (MSU) General Hqrs. hruaitute chuan Mizoram quata a MBBS zir tura sponsor ten an intiamna anga sawrkar hnuaia an thawh tur hun chhung an thawktha leh duh lo thin chu pawi an tih thu an sawi.

MSU General Hqrs. hruaitute hian nimin khan Health Minister Lalrinpuii chu a Pisa-ah hmuin Mizoram Sawrkarin Mizoram quata-a MBBS zir tura a sponsor ten an intiamna anga sawrkar hnuaia an thawh tur hun chhung an thawktha leh duh lo thin chu pawi an tih thu an thlen a. Hetianga mahni thutiam hlen tha duhlo an awm thin hi pawi an tih thu leh na taka action la turin Minister hi an ngen a ni. MSU hruaitute chuan Social Welfare Department hnuaiah naupangten Aganwadi-a eitur an dawn thin chu hun kal tawhah sawisel a hlawh thin avangin, a hrisel leh eitlak chauh naupangten an dawn theih nan Supplier thlan kawngah fimkhur turin an ngen a. PHC leh CHC ten an Area huam chinah a theih anga School kalchilh a, naupangte hriselna endik sak an nih theih nana ruahmanna siampui turin Health Minister a nih angin an ngen bawk a ni.

MSU hruaitute chuan ruihhlo do kawnga Social Welfare hnathawh te chu tha an tih avangin Minister hi lawmthu an hrilh a. Mizo thalai te tichhetu ruihhlo do kawnga MSU in Awareness a neih turah thawhhopuiah an sawm bawk a ni.