Graduation Day hmanpui

Laithangpuii College of Pharmacy-a zirlai 52 te pualin Inrinni khan 9th Graduation Day hman a ni a, he hun hi Lok Sabha MP Richard Vanlalhmangaiha chuan hmanpuiin zirlai chhuak tharte fuihna thu sawiin, taimakna leh tih tak takna nun nena an thiamna te hmang tangkai turin a fuih a, Placement an zawn pawhin mahni State ah chauh ni lo, State dang-ah te hmasawnna turin thawk turin a duhsak thu a sawi bawk. He hun ah hian Dr. H. Lalhlenmawia chu khualzahawm niin Pharmacist te chu damlo te tana damdawi chawh kawngah an pawimawh zia sawiin, Mizo-ram-ah Pharmacist indaihlohna a la nasa em em tih a sawi bawk. Laithangpuii College of Pharmacy hi kum 2013-a din niin, Pharmacy Council of India leh State Council for Technical Education affiliated niin zilai 293 in an zirchhuak tawh a ni.