Pasal kutthlak nia hriat boral

Inrinni zan dar 10:30 vel khan Mualpui Salem Veng-a cheng Rebek Chanchinthangi (40) chu a thi a, a pasal in a sawisak avanga thi nia hriat a ni. Thudawn danin Rebek Chanchinthangi hi an In atanga meter 100 vela hla, ramhnuai deuh ah hmuh a ni a, hemi hmalam hian a pasal C. Lalsiamliana chuan an tual zawlah kut thlakin a sawisa a, hei hi a fate pawhin hmuin saruakin kut a thlak nia sawi a ni bawk. Rebek Chanchinthangi ruang hi nimin khan ZMCH-ah-ah Postmortem niin Salem Veng-a thlahna hun hman a nih hnuah a ruang hi an khua, South Mualcheng-ah lak tura tih a ni. Kutthlaktu a puah C. Lalsiamliana hi Truck te pawh khalh ve thin a ni a, Police te chuan thu zawhfiah turin an la nghal a ni.