District hrang hranga tui sem thin dan tarlang

Mizoram District hrang hranga PHE Department Tui sem dan atanga a lan danin, District tam zawkin thla tin vawi 2 atanga vawi 5 tui an dawn thin laiin, Mamit District chuan thla khatah vawi khat an dawng thin.

Assembly Budget Session neih mekah Zirtawpni khan Dr. K. Beichhua zawhna House-a chhan hman loh, ziaka a lan danin, PHE Minister chuan PHE Department hnuaiah Tui connection nei-Consumer 1,3,8760 an awm mek tih sawiin, District hrang hranga thla tin tui sem dan a tarlang a. Aizawl District-ah thla khatah vawi thum tui sem thin a ni a, Lunglei-ah vawi hnih, Siaha, Champhai leh Kolasib-ah vawi hnih leh vawi thum, Serchhip leh Hnahthial-ah vawi li leh vawi nga, Khawzawl leh Saitual-ah vawi hnih, Lawngtlai-ah vawi hnih leh Mamit-ah vawi khat sem thin a ni, a ti.

PHE Minister chuan, VC leh LC inthlan dawnah mipuiten hnianghnar zawka tui an dawn theih nan Department chuan nasa zawka hma a lak avangin tui sem thin zat aia tamin tui sem a ni tih sawiin, hei hian Tui Metre pawh a tih kal chak tel avangin bill pawh a hma aiin a sang chho ve mai niin House a hrilh bawk.