CSAB kaltlangin seat hauh sak a tam niin sawi

Zonuna Kawlni (LENKAWL) • February 15, 2025 • Comments • Mizoram

Central Seat Allocation Board (CSAB) chuan anmahni kaltlangin hmarchhak zirlaite tan bika Seat hauhsak leh tumna tak tak neite tan hun remchang a hawnsak tih an sawi.

Nimin-a Aizawl Press Club-a thuthar thehdarhtute an kawmnaah CSAB chuan India ramchhungah NIT-ah seat 24,000 vel a awm tih sawiin, January ni 31 atang khan Session 2 atana inziahluh hun hawngin February ni 24-ah khar a ni dawn tih an sawi a, Hmarchhak State chhungah State Quota hi NIT+ system hnuaiah seat 2,000 awm theih beisei a ni tih sawiin, CSAB-NEUT round hnuaiah India ram pumah NE state atanga zirlaite tan seat 740 vel a awm tih an sawi bawk.

CSAB 2025 Local Organizing Committee Chairman Prof. Anindya Basu chuan JEE-ah hian hmarchhak zirlai tan seat thahnem tak awm mah se, Mizoram zirlai ten an bawh tam lo tih a sawi a, JEE tlingte tan chuan schlolarsip bakah laptop dawn leh hostel awmna turah pawh hamthatna a awm thu a sawi bawk.