Vote thih chhan tam ber

State Election Commissioner (SEC) Dr. H. Lalthlangliana chuan Village Council leh Local Council inthlan neih zawh takah candidate thlan tur zat aia tam thlang chu vote thih chhan tam ber a ni tih a sawi.

Nimin-a SEC Pisa-a thuthar theh-darhtute a kawmnaah zawhna chhangin State Eelction Commissioner Dr. H Lalthlangliana chuan VC leh LC inthlan chu Assembly inthlan nen khaikhin chi a ni lo tih a sawi a, VC leh LC inthlanah vote thi a tam hma nia a lan thu sawiin, vote tur an tam avangin vote thlak chhung pawh a rei niin a sawi. Vote thlak dan phungah rawtna hrang hrang an dawng mek tih sawi bawkin, chungte chu uluk zawkin an zirchiang zel dawn tih a sawi.

Kumin inthlanah kum danga la tih ngai loh inthlan kaihhnawiha duty turte tan vote thlakna hun siam a nih thu leh chutah chuan mi 3,616-in vote an thlak thu a sawi a, inthlan neih zawh takah boruak a muanawm hle tih sawiin, kum dang aiin party hrang hrangte an tang zawk nia a lang chungin, politics a inbeihna sosang tak tak hriat tur a awm lo tih leh dan leh thupek bawhchhia, inthlan tibuai khawp pawh khawi atang maha report an dawn loh thu a sawi bawk.