ZPM zawm thar avangin lawmthu sawi

ZPM President Lalliansawta chuan Pathian in an Party zawm thar duh a pe zel chu an lawm hle tih a sawi.

    ZPM Mara District Headquarters Office-a an party zawm thar te lawmluhna hun nimin-a buatsaih ah ZPM President chuan tun hmain Zofate hi Loneih-a eizawng kan ni tih sawiin, “Intodelh taka hun kan hman laiin Mautam leh rambuaiin min nang chho a, kan ram chu retheihna bawih-ah kan lut ta der mai a ni. Chutih lai takin India Sawrkar hnuaia kan awm chhoh tak avangin Central atangin ram hmasawnna tur Sum leh pai a lo luang lut ta a, reitheihna in min chim mek lai a nih avangin ‘Sem sem dam dam eibil thi thi’ ti thin hnam chu, mahni tanghma haina rilru in kan thinlung a luah chho ta a, chutiang chuan kum 40 dawn hun kan lo hmang ta a ni,” a ti a. Pathian hun ruat zelah ZPM Party an lo lang ta tih sawiin, “Kan ram rorelna a Pathian ram tungding leh turin Vawiin hian Pathian in min ruat mek a ni. Chutianga Pathian hruai mek Party zawm thar duh Pathianin min pe zel hi kan lawm hle a ni,” a ti. ZPM thuchhuah in a tarlan danin he hunah hian ZPM Party zawm thar mi 835 lawmluh an ni.