Harsatna chinfel sak vangin MCDA ten lawmthu sawi

Mizoram Chemists & Druggists Association (MCDA) chuan nimin khan thuchhuah siamin damdawi zuarte harsatna Chief Minister-in a chinfel sak tih an tarlang.

    Thuchhuah an siamah MCDA chuan an harsatna tawh chungchangah niminpiah khan Chief Minister an hmu tih an tarlang a, Mizoram Sawrkar Health Department hnuaia FDA te Circular chhuah, ‘January ni 1, 2025 atang chuan Damdawi dawr te hi Pharmacist ten full time in an thutchilh tawh tur a ni’ tih chu tun dinhmun ah Pharmacist te an la indaih loh em avang leh a awmchhunte pawh inrawih man sang tak leh to taka an inchhiar avangin Damdawi zuar tana harsatna awm thei tur leh chumi chuan mipui a nghawng dawn thu te Chief Minister hi hrilh a ni tih an tarlang a. Chief Minister chuan harsatna awm thei tur hrang hrangte ngun taka ngaihtuahin Dan awm sa tibo chuang si lova hmasawn zel tum chung siin Circular lo chhuah tawh chungchangah Damdawi zuarte chu mangang lo tur leh thlamuang taka lo awm tura a ti chu an lawm takzet tih an tarlang a ni.