ZPM Party in VC Inthlanpui lo awm tura Serchhip-a an candidate tur an puang

Zoram Peoples' Movement (ZPM) Party chuan Village Council Inthlanpui lo awm tura Serchhip-a an party Candidate turte nimin khan an puang.

    ZPM Party hian Serchhip Kawnpui VC Hall-ah VC Inthlanpui-a an Candidate turte hi puangin Serchhip Block ZPM President V. Rozamliana chuan he hun hi kaihruaiin an Candidate turte hi a puan bakah mipuite hmuh turin a tarchhuak nghal a. Hemi hnu hian an Party mipui kalkhawmte fuihna thu sawiin, Village Council Inthlanpui lo awm turah hnehna chang ngei tura tan lak a tul thu a sawi a. An party in Inthlanpui a hnehna an chan theihna turin Party mipuite Vote mai bakah Party awn bik nei lo te an pawimawh thu sawiin, heng mite pawh hian an Candidate te an Vote pui ngei theihna turin theihtawp chhuaha tan la turin an party mipui kalkhawmte chu a chah bawk a ni.