VC pahnih ah MNF leh Congress te thawkdun dawn

Thla thar February 12-a Village Council Inthlanpui lo awm turah MNF leh Congress Party te chu Serchhip-a VC pahnih-ah an thawkdun dawn.

    MNF East Block hruaitute hnen atanga LENKAWL in thu a dawn danin tun tum VC Inthlan lo awm turah hian MNF leh Congress Party te chu Serchhip Chhim Veng VC leh Serchhip Kawn-pui VC-ah te an thawkdun dawn a, heng VC pahnih te hi Seat 5 awmna ve ve niin heng Party pahnih te hian General-a Seat 4 awm chu Seat hnih (2) ve ve in an insem dawn a, Hmeichhia te tana Seat hauh pakhat-ah erawh Common Candidate an nei dawn a ni. Serchhip East Block MNF te hian Serchhip-a an Party Candidate turte hi Vawiin chawhma dar 11:00 hian Serchhip-a Mizo Hnam Run-ah an puang dawn a, Congress Party erawh chuan a hranpa a Candidate puanna nei lovin naktuk chawhnu lamah an Candidate turte hi an kokhawm dawn thung a ni.