Zingkar-ah Republic Day lawm a ni dawn

Zonuna Kawlni /

Tun thla ni 26-a India Republic Day lo thleng tur chu Pathianni a nih avangin Serchhip-ah chuan zingkar-ah he ni pual hian hun hman a ni ang.
 India Republic Day lawm dan tur ngaihtuah hian nimin khan Serchhip DC Conference Hall-ah District Bawrhsap Paul L. Khuma hovin sawrkar mi pawi-mawh te leh khawtlang hruaitute an thukhawm a, Kumin a Republic Day January 26 hi Pathianni a nih avangin zing dar 7:30-ah Serchhip Sports Complex-ah a lawmna hun hman a ni anga, Serchhip DC chu khuallian a ni ang. Parade Contingent tel tur School te chu District Education Officer (DEO) atanga ruahmanna siam a ni anga, 42nd Assam Rifles Pipe Band leh Govt. Serchhip College NCC te tel thei tura beisei an ni. Republic Day denchhen hian Home hrang hrang bakah Hospital leh District Jail-ah te tanpuina pek a ni dawn a. Hemi ni hian Sawrkar Building zawng zawngah Hnam puanzar (National Flag) zar vek a ni dawn bawk a ni.

Nimin-a thutkhawm ah hian Bawrhsap Paul L. Khuma chuan Republic Day kan hman chhan hre reng tura kalkhawmte chu chahin, mi tam takin an nunna hlu tak hlana an lo beihna azarah khawvela Constitution lian ber nei thei kan ni a, a hlu in a ropui hle a ni, a ti bawk.

Comments

Post a Comment

Popular News (Last 30 Days)

FG&CC Counsellor dahnghet

Zonuna Kawlni /
Image
Mizoram Synod in Serchhip-a Family Guidance & Counselling Centre (FG&CC) a kalpui meka Counsellor tura ruat Rev. Jonathan Pachuau dahnghehna hun chu nimin khan Serchhip Kawnpui Kohhran Committee Room No. 2-ah neih a ni a, FG&CC Director Rev. Lalthangpuia Fanai chuan Counsellor thar hi dahnghetin Rev. Zai-remkima chuan tawngtai sakna hun a hmang bawk a ni. Rev. Jonathan Pachuau hi Counselling ah term hnih a awm hnuin Biate Pastor Bial enkawl tura dah a ni a, tunah hian Serchhip-a FG&CC ah dah leh niin Rev. Rolungmuana Zadeng chu a thlak a ni.
Kimchang zawkin »