VC thlang turin inbuatsaih

Mizoram sawrkar in Mizoram-a Village Council dinglai te term a pawhtawi sak avangin Political Party hrang hrangte chu Village Council Inthlanpui hmachhawn turin an inbuatsaih mek.
Sawrkar thuchhuak in Mizoram-a VC dinglai te term thla thar February 19-a tawp tura a tih tak avangin Political Party te chu VC Inthlanpui nei turin an in ruahman mek a, Serchhip-ah pawh Political Party hrang hrangte chuan an Candidate tur ngaihtuahin hma an la chho mek a, VC then-khat ah chuan Candidate tura rinkai te pawh an awm tan mek a, VC thenkhat ah chuan Candidate tur tihfel thawkhat tawh te pawh an awm nia thudawn a ni bawk.

Thla thar February 19-a VC dinglai te term a tawp dawn avang hian hemi ruala VC thar ding nghal tur chuan Inthlanpui hi February thla chawhma lamah neih a tul dawn niin a lang a, hetiang huna inthlanpui hi neih a nih dawn chuan Inthlanpui neih hun hi puan thuai a nih a rinawm a, tunkar chho pawh hian Inthlanpui neih hun tur hi puan mai a nih a rinawm tawh a ni.

Tarlan tawh angin Village Council In-thlanpui neih tura hman tur Electoral Roll chu tun thla ni 8 khan tlangzarh a ni tawh a, siamthat ngai te tan nimin thleng khan dilna thehluh hun hawn leh a ni bawk a ni.

Comments