Kohhran Hmeichhe Khawmpui Lian Pandal sak hna tan

Kumin March 7 atanga Thenzawl khuaa Mi-zoram Presbyterian Kohhran hnuaia Kohhran Hmeichhe Inkhawmpui Lian vawi 51-na neihna tur Pandal sak hna chu nimin khan thawh tan a ni.
Thenzawl khuaa Kohhran Hmeichhe Inkhawmpui Lian neihna tur Pandal hi Lothazawl Playground-ah sak niin Pandal sak hnatlang hmasa ber hi nimin khan neih a ni a, Thenzawl khawchhunga Presbyterian Kohhran Pastor Bial pathum atangin mi 200 chuang an thawkchhuak a, Kohhran dang atangin hnatlang a thawkchhuak an awm bawk a, hnatlang hi neih chhunzawm chhoh zel tur a ni ang.

Mizoram Kohhran Hmeichhe Inkhawmpui Lian vawi 51-na hi Thenzawl khawchhunga Presbyterian Kohhran Pastor Bial pathum, Then-zawl Pastor Bial, Thenzawl Field Veng Bial leh Thenzawl Vengthlang Pastor Bial in an thleng dawn a; Rorel Inkhawm chu Thenzawl Field Veng Koh-hran Biak In-ah neih thung anga. Khawmpui neihna tur Pandal atan hian a Structure chu Mizoram Synod ta hmangin a dung ft. 253 leh a vang ft. 165 a zau a sak a ni anga, mi 8000 leng tura a beisei a ni.