VC Inthlanpui kaihhnawiha Political Party te kaihhruaina thuchhuah

State Election Commission Notification No.B.12011/2/2024-SEC/VC/18 dated 16.01.2025 in a tihchhuah angin Village Councils, Serchhip District huamchhungah General Seat leh Reserve Seat atan Election buatsaih a nih dawn avangin Model Code of Conduct hman tur a ni a, he Model Code of Conduct hian inthlan hun chhung a huam dawn a ni.

Campaign chungchang :

February ni 12, 2025-a General Election to Village Councils, 2025 neih tur atan inthlanna boruak felfai leh thianghlim tak a awm theih nan Vote thlak hun khar (close of poll) a nih atanga chhiar leta darkar 48 (i.e February ni 10, 2025- Thawhtanni tlai dar 4:00) hnu lamah campaign phal a ni tawh lo. February ni 10, 2025 (Thawhtanni) tlai dar 4:00 hnu lamah Election neihna tur area chhunga campaign tura lut, VC Roll-a chuang si lo te cham ban phal a ni tawh lo. VC area chu an chhuahsan ngei ngei tawh tur a ni. (vide Order No. B.12011/2/2024-SEC/VC/28 dt 16.01.2025).

Motor hman chungchang :

i) Inthlan ni-ah Polling Station-a voter te a phurh nan motor hman phal a ni lo.

ii) Inthlan Ni (Poll day) ah Candidate leh an Agent te tan motor pakhat hman phalsak an ni a. He phalna hi RO hnenah ziakin an dil tur a ni.

Inthlan ni-ah voter leh mipui vantlang rikrap thei tur hriamhrei leh silai lek emaw phurh phal a ni lo a. Hetiang ang hmanraw phur motor hi man a nih chuan, motor hi man nghal tur a ni. Election zawh hma chuan hren tur a ni. A neitu pawh dan angin a chungah action lak a ni ang. (vide Order No. B.12011/2/2024- SEC/VC/27 dt 16.01.2025)

Defacement of Public Property leh Banner zar chungchang :

i) Sawrkar building leh hmun chhungah bang a thil ziah, poster tar leh campaign-na lam hawi engmah tar emaw ziah ran phal a ni lo.

ii) Kawng kan/tan zawngin banner emaw, Gate emaw siam phal a ni lo (Order No. B.12011/2/2024-SEC/VC/30 dt 16.01.2025)

Common Election Camp :

Party worker-te inkara boruak tha lo pumpelh nan Polling Station bulah Political Party-te leh candidate-te awmkhawm nan Common Election Camp pakhat chauh siam phalsak a ni a, he Camp hi mawlmang thei ang bera siam tur a ni. Flag te, poster te, Symbol te leh thuziak, Political Party emaw, Candidate lam kaihhnawih ziahna engmah tar loh tur a ni. He Camp-ah hian pawm tlan theih tu emaw in a ho ang.

Loudspeaker hman chungchang :

Campaign hun chhung hian loudspeaker/Public Address System-te hman phal a ni lo a, amaherawhchu, Candidate te emaw political party ten Public Meeting/Rally te buatsaih an duh a nih chuan loudspeaker hman phalna District Magistrate emaw, Sub-Divisional Magistrate te hnenah an dil thei ang. (vide Order No.B.12011/2/2024- SEC/VC/26 dt 16.01.2025).