Sports Complex panna kawng siam thar hawn a ni
Serchhip Leisang Veng atanga Serchhip Sports Complex panna kawng hi hun engemaw kalta ah khan lirthei kaltlang theih tura laih ni tawh mah se Blacktop a nih loh avang leh Fur-ah tuihawk in nasa taka a hawrh thin avangin lirthei tan tlan hleih theih a ni thin lo a, hei vang hian PWD Serchhip Division chuan Annual Plan 2024-2025 hnuaiah he kawng siam hna hi cheng nuai 32 sengin an thawk a, kawng siam hna hi zawhfel a nih hnuah PWD Serchhip Division-a Sr. EE, Er. PC. Zokhuma chuan hawngin mipui a duh apiangte tana zawh theih tura hawn nghal a ni a. He kawng hawngtu PWD Sr. EE chuan he kawng siam hna thawktu SDO leh a thawhpui te zawng zawng chungah lawmthu a sawi a ni.
Serchhip Leisang Veng atanga Serchhip Hmar Veng-a Sports Complex kawng awmsa pawh tura kawng siam thar hi meter 480-a thui niin meter 3-a zau a ni a, Krismas hma deuh khan hna hi thawk tanin chawlhkar thum chhung an thawh hnuah nimin khan zofelin hawn a ni zui ta a ni.