Reliance Fresh/Smart Outlet-ah hralh dawn

Mizoram tharchhuah thlai leh thei thenkhat Reliance Fresh/Smart Outlet a hralh tura inremna thuthlung chu Mizoram State Rural Livelihoods Mission leh Reliance Retail Limited ten Mumbai ah an ziak. Mizoram sawrkar Rural Development Department, MzSRLM leh Reliance Retail Limited te inremna ang chuan Ropuiliani Women Farmer Producer Company Limited leh MzSRLM hnuaia Producer Group leh Self Help Group member te tharchhuah thlai leh thei-Sawhthing, Mizo Hmarcha, Sapthei, Lakhuihthei, Dragon Fruit te chu Freshpik, JWD, Mumbai-ah phochhuah thin a ni dawn a, inremna thuthlung MoU hi MzSRLM aiawhin Dr. Zomuankima, Chief Operating Officer leh Reliance Retail aiawh Pu Damodar Mall, CEO, Reliance Retail Limited ten an ziak a ni. Inremna ziahna hun hi RD Minister Prof. Lalnilawma chuan telpuiin Mizoram sawrkar Flagship Programme “Bana Kaih Policy” kaltlanga nasa taka kut hnathawktute tihhmasawn nana hmalak tum a nih thu a sawi bawk.