Reiek tlang chungchang ah thutkhawm nei dawn

Reiek tlang-a khualzin chevel chungchangah Tourism Minister Lalrinpuii hovin Tourism Department leh Reiek Tlang Tourism Development Board hotute tun thla ni 15-ah an thukhawm dawn.

Tunhnaia Social Media-a Reiek tlang tlawhtute harsatna tawh anga darh chungchanga zawhna chhangin Tourism Director R. Lalrodingi chuan Reiek tlang chu tlang taka an Department in an va relbawl a nih loh thu a sawi a. Minister a zin mek thu sawiin, a lo haw velah Reiek Tlang Tourism Development Board te leh Department te ruahmanna tha zawk a awm zel beiseiin an thutkhawm dawn thu a sawi a ni. 

Hetihlai hian Reiek Tlang Tourism Development Board hotute chuan Reiek tlang humhalh nan lirthei hire ngai tura an ruahman thu an sawi a. Sawrkarin kawng an siamthat hnuah nikum November thla tir khan tlang-a tlan chho lirthei an pun nasat thu an sawi a. Reiek tlang kawnga traffic jam avanga an buai thu leh hemi hunlai hian Cancer damdawi anga thang, Nauban a rem duak thu an sawi a. Nikum November ni 3 khan Board an thutkhawm thu leh Gate siamin lirthei lut tur an dan phawt thu an sawi a. Gate tichhiaa mipuite an la luh zel avangin lirthei luh man Two Wheeler-ah Rs. 100 leh lirthei ke 4 nei Rs. 500 an lak thu an sawi a, ni 2 chiah an kalpui hman tihah traffic jam nasa vang bawka an tihtawp leh thu an sawi a. Hei vang hian lirthei service an siam tan thu an sawi a. Mipuite a tam thei ang ber ke-in la kal chhunzawm se an duh thu an sawi a. Kawng chu tar leh upa, damlo chaklo te tan lirtheia an kal theihna remchang a nih thu sawiin, rikrum thilah pawh kawng chu a tangkai thu an sawi a. Ruahmanna thar te pawh an siam dawn thu leh Minister hova tun thla ni 15-a an thutkhawm dawn thu an sawi bawk a ni.