Raltlan Football Tournament

Lawngtlai leh a chhehvel a Raltlan awmte tana buatsaih Football Tournament chu nimin khan Lai Autonomous District Council (LADC) Chief Executive Member (CEM) C. Lalmuanthanga chuan Lawngtlai-a Central YLA Playground-ah a hawng a, Raltlante chu an ram dinhmun a that loh avanga an sahimna zawn a ngai chu ram mipui ten an lainat hle tih sawiin, a theih chinah an chhawm-dawlin an ngaihsak reng tih a sawi a, Raltlante chu thlamuang taka awm tura chahin, Raltlan an ni tih erawh theihnghilh lo turin a chah a, mikhual an ni tih hre reng tur leh anmahni mikhualtute tan hnawksaka awmlo turin a chah bawk. Lawngtlai leh a chhehvel a Raltlante tana Football tournament hi raltlante infuihthar nan leh inunauna tha zawk a awm theih nana buatsaih niin tun dinhmun ah Lawngtlai District chhungah raltlan 8020 an awm mek a ni.