Parapet chhia nia sawi tihchhiat leh a ni

Lawngtlai By-Pass Road-a tlakdal siam chhe lutuk, kut lawng pawh a kheuh thlak mai theih nia lang chu nimin khan Lawngtlai District MJA te chuan an hmun kalin an enfiah.

    He Parapet hi Social Media hrang hrangah thehdarh niin nimin khan MJA te hian a hmunah an enfiah a, an kal hma lama Video thehdarh a lang Parapet te hi Lawngtlai DC thupekin kawngthlang lamah khawl hmanga nawrliam vek a lo ni tawh a, Parapet dangte pawh MJA hruaitute chuan en zuiin an en chinah chuan tlema rin ngam deuh tur awm mahse, a tlangpuia thlir chuan hmanraw thalo, a nih dantur anga hnathawh loh niin an hria a, thuneituten a rang lamin hma la se an duh thu an sawi a ni. Lawngtlai khawpui helna tur kawngpui hi November 20, 2020-ah thawh tan niin, March 2025-ah zawhfel tura ruahman a ni a, he kawng hi KMMTTP kawngpui atanga National Highway 54, 71 RCC Camp a pawhna thleng hian Kilometres 2.27 a thui niin cheng vbc. 31.14 senna tura ruahman a ni a, zawhfel tep a ni tawh a ni.