Mamit District MJA Annual Conference neih a ni

Mizoram Journalists' Association (MJA) Mamit District chuan nimin khan Annual Conference vawi 17-na hmangin Mamit DIPRO Biak-nungi chuan khuallian niin a hmanpui.

Mamit Press Club-a MJA Mamit District Annual Conference-ah hian Mamit DIPRO chuan thudik leh ziktluak puanchhuah kawngah Accredited Journalist-te an pawimawh thu sawiin, “Chanchinbu mi in nihna angin mipui rilru sukthlekah pawimawhna tam tak in nei a, a tha zawnga mipuite rilru hruai turte, sawrkar tha ti chaka khalh ngilna kawngah kan thuziak leh chhuahte'n awmze thuk tak a nei thei a ni,” a ti a. Khawvel changkanna mil zela kal tura mahni theuh inzir thar zel tur leh hriatna te tipung thar zel turin kalkhawmte a chah bawk.

He hunah hian Mamit District MJA President Lalhuma pawhin khawvel changkanna-in a ken tel zingah Print Media chanchinbu-in tunhma angin ngaihhlut a hlawh tawk loh thu a sawi a, hei hi an District mai nilo, khawvel pum huap pawha chanchinbu mite harsatna tawh a nih thu a sawi, chutihrual erawh chuan chanchinbu mite an nih anga an thuziak leh sawite hi mite'n an la ngaichang tih sawiin, an hriatna leh finna te pawh tihpung zel a, taimak chhuah leh zual turin members-te chu a chah bawk a ni.