Silk Samagra 2 hnuaia Project te sawihona nei

Sericulture Department changtu Secretary Florence Zotluangpuii hovin nimin khan Sericulture Department a thawk Officer ten Silk Samagra 2 hnuaia Project an thawh mek chungchang an sawiho.

He sawihona Sericulture Training Institute Conference Hall-a neih hi Sericulture Department Secretary chuan kaihruaiin an Department Director V. Zothansanga chuan kum 2024 atanga kum 2025 chhunga Department hmalakna leh hlawhtinna hrang hrang a sawi bakah District hrang hrang atanga report ngaihthlak a ni a, hmasawnna tura hmachhawp hrang hrang sawiho a ni bawk.

Sericulture Department hnuaia Project thawh mekte hi Silk Samagra 2 Scheme hnuaia mi niin kumin 2025 chhunga thawh zawh hman tura ruahman a ni a, nimin-a thutkhawm ah hian an Department changtu Secretary Florence Zotluangpuii chuan thawktu Department Officer te chu fuih tharin Project hrang hrang te hlawhtling taka thawh anih theih nana tan la thar tura chahin Mizoram sawrkar flagship program Bana Kaih a hlawhtlin ngei theih nana theihtawp chhuah turin a chah a ni.

He thutkhawm an neih zawh hnu hian Sericulture Department Secretary Florence Zotluangpuii hian STI Zemabawk-a pangang chi siamna hmun leh Reeling & Spinning Factory a tlawh nghal a ni.