Kumin-a Chapchar Kut Thupui-ah ‘Zo nun ze mawi - Hawihhawmna’ thlan a ni

Zonuna Kawlni /

Kumin-a Chapchar Kut-ah ‘Zo nun ze mawi - Hawihhawmna’ tih chu thupui atan hman a ni dawn.

Kumin-a Chapchar Kut hman dan tur rel hian nimin khan Chapchar Kut 2025 Organising Committee chu an Chairman leh Chief Minister Lalduhoma hovin CM Conference Hall-ah an thukhawm a, kumin hian Chapchar Kut hmanna pui ber chu Aizawl Lammual-ah March ni 6 leh ni 7-ah neih tura duan a ni a. March ni 6-ah Home Minister K. Sapdanga chu Khuallian a ni anga, March ni 7-ah Chief Minister Lalduhoma khuallian a ni ang. Kut denchhen programme pawimawh dang te erawh chu March ni 3 atanga kalpui tan tur niin kumin hian ‘Zo nun ze mawi - Hawihhawmna’ tih chu Thupui atan hman a ni anga. Chapchar Kut hlawhtling leh hlimawm buatsaih a nih theih nana tihtur pawimawh te sawiin, mawhphurtu tur te pawh an inruat a, senso tur te pawh an rel bawk a. Chapchar Kut hmanna tur sum hi tunhmain a hranin sawrkarin budget-ah a dah hrang ngai lo tih sawrkar thuchhuah chuan tarlangin, kumin sawrkar budget atang khan cheng nuai 100 dah tan a ni a. Hei hian mamawh zawng zawng a daih dawn loh avangin sum hmuh belh theihna tur chi pawh he hunah hian sawiho a ni.

Ruahman lawk ang chuan March ni 3-ah Chapchar Kut pual Tlan (Kut Run) buatsaih a ni anga, March ni 4-ah Flower Show leh Painting & Exhibition Show kalpui tan a ni ang. March ni 5-ah Chapchar Kut Heritage Tour buatsaih a ni anga, hemi ni vek hian Falkawn-a Zokhua-ah Mizo Pi leh pute Nun (Mizo Typical Life) Demonstration buatsaih tan a ni ang. A tuk ni 6-ah pawh neih chhunzawm tur niin March ni 5-ah vek hian Kut pual Handloom, Textile & Handicraft Exhibition and Food Processing & Food Court hawn a ni anga, Exhibition & Food Court hian ni 7 thleng a awh ang.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »

Sawhthing leisa lilam tan

Zonuna Kawlni /
Image
Mizoram sawrkar in tunhnaia Serchhip District-a Sawhthing a lei te chu nimin khan a lei duhte tan lilam (auction) tan a ni ta a, nimin lam khan Sawhthing lilam hi chhang awm nghalin Vawiin hian chhan theih ala ni dawn a, chawhnu lamah a hmasa ber atan he an lilamna hi hawn a ni dawn nia thudawn a ni. Thudawn danin February 20 atanga Serchhip District-ah Sawhthing lei ah hian Serchhip SCC-ah kg. 110,419 buk a ni tawh a, East Lungdar SCC-ah kg. 75000 bukin Lungpho SCC-ah kg. 64086, North Vanlaiphai SCC-ah kg. 81,460, Chhingchhip SCC-ah kg. 89,047, Khawlailung SCC-ah kg. 112,052 leh Thenzawl SCC-ah kg. 112,895 buk a ni tawh a ni.
Kimchang zawkin »