Inhnuhdawh hun tawp dawn

Mizoram District 9-a Village Council leh Local Council Inthlanpui neih tur chuh tuma hming pelut te tana inhnuhdawh theih hun chu Vawiin tlai dar 3:00 hian a tawp dawn ta.
    Hriat theih chinah Serchhip District-a VC 56-ah General Seat 188 awmin hemi chuh turin mi 526 in hming an pelut a, Reserved Seat 66 chuh turin mi 172 in hming an pelut bawk a, Serchhip District-a VC Seat 254 chuh tur hian mi 698 ten hming an pelut a ni. Thudawn danin ZPM Party chuan heng Seat 254 te hi an chuh vek dawn a, MNF chuan General Seat 163 leh Reserved Seat 55, a vaiin Seat 218 an chuh dawn a, Congress Party in General Seat 142 leh Reserved Seat 16, a vaiin Seat 188 an chuh dawn a, BJP in Seat chuh an nei lo a ni. Heng bakah hian Independent Candidate ten General Seat 32 chuhin Reserved Seat chuh tur mi 6 an awm bawk a, heng zingah hian MNF leh Congress thawhdunna a Independent a ding turte pawh an tel a ni.