Hming pekluh 1942 te pawm

Thla thar February ni 12-a Village Council (VC) inthlan lo awm tur atana hming pelut mi 6,942 te hming pek luh chu endik hnu-ah pawm a ni.

State Election Commission (SEC) hotute sawi danin VC bakah Aizawl Municipal Corporation (AMC) leh Lunglei Municipal Council (LMC) inthlan lo awm tur chuh tumte hming pek luh hi Zirtawpni khan VC leh LC inthlanna tur khua leh veng tina Returning Officer-te'n an endik a. Mizoram District 9-a VC 544-a Seat 2,416 chuh tura hming pelut 6,942 chu pawm a ni a. VC 544-a Seat 2,416 hi a vaiin chuhtu 6,942 an awm dawn a ni. Tun \uam VC Inthlanna neih turah hian General Seat 1,803 chuh tura hming pelut, an Nomination endik hnu a pawm mi 5,267 an awm a, Hmeichhe tana hauh bik Seat 613 chuh tur mi 1,675 an awm bawk. 

AMC huamchhungah Local Council (LC) Seat 575 awmin LC inthlan chuhtu zawng zawng hi mi 1,664 an ni a. General Seat 418 awmin heng Seat chuhtu hi mi 1,215 an awm a. Hmeichhe tana hauh bik Seat 157 chuh turin mi 449 an awm bawk. LMC-ah LC Seat 148 a awm a, General Seat 116 chu Candidate 312-in an chuh a, hmeichhe puala dah Seat 38 chuhtu mi 108 an awm bawk a ni.