Volleyball Q/F khelh zawh a ni

Serchhip Sub-Hqrs. YMA buatsaih ‘Inter-Branch YMA Volleyball Tournament’ khelh mek chu Vawiin hian Semi Final khelh a ni dawn ta.
Leisekawt Mual-a ‘Inter-Branch YMA Volleyball Tournament’ khelh mekah hian nimin khan Mipa-ah Round of 16 leh Quarter Final khelh zawh a ni a, Mipa Quarter Final inkhel ah Keitum Branch in North Vanlaiphai Rahsi Veng Branch chu hnehin Bungtlang Chhim Veng Branch in Khawbel Branch an hneh a, Chhiahtlang Zotui-thiang Branch in Thenzawl Bazar Branch hnehin Serchhip Vengchung Branch in Bungtlang Vengsang Branch an hneh bawk.

Semi Final-ah Keitum Branch leh Veng-chung Branch inhmachhawnin Bungtlang Chhim Veng Branch leh Zotuithiang Branch te an inhma-chhawn bawk ang.

Hmeichhe Quarter Final nimin-a khelh ah New Serchhip Bazar Branch in P&E Veng Branch hnehin S. Chanmari Branch in S. Chhim Veng Branch an hneh a, Vengchung Branch in Darnam Branch hnehin Keitum Branch in New Serchhip Venglai Branch an hneh bawk. Vawiin hian Semi Final-ah New Serchhip Bazar Branch leh Keitum Branch inhmachhawnin Serchhip Vengchung Branch leh Serchhip Chanmari Branch te an inhmachhawn bawk ang.