Naupangte himna ngaihtuahtute an thukhawm
He thutkhawm Serchhip DC Meeting Hall-a neih ah hian District Child Protection Unit (DCPU) Serchhip District hmalakna hrang hrang te ngaihthlak a ni a. Observation Home pakhat an enkawl mekah kum 2019 atang khan naupang 84 an awm tawh thu te, an enkawl Unity Orphanage Home leh Zoar Children Home-ah kum 2019 atang khan naupang 50 an awm tawh thu te ngaihthlak a ni a. Protection of Children from Sexual Offences Act (POCSO) kaihhnawih thubuai chu kum 2019 atang khan Serchhip District-ah 45 a awm tawh thu leh District chhunga khaw tinah naupangte himna tura thil pawimawh inhrilhhriatna hun chu ngawrh taka kalpui chhunzawm reng a nih thu ngaihthlak a ni bawk.
He thutkhawm ah hian School tinah Protection of Child Rights atana zirtirtu ruat bik Nodal Teacher te chungchang sawiho a ni a. Tun dinhmunah Nodal Teacher 202 an awm mek a. Mimal anga ruat tawh loin Principal/Headmaster/Headmistress te chu an designation ang zawkin Nodal Teacher atan ruat ni tawh zawk se an ti a. Police Station a Child Friendly Corner neih mek chungchang pawh sawiho a ni a, District Court-ah pawh siam dan zawn nise tiin an rel a. Child Care Institution hrang hrang an enkawl mek a harsatna an tawh te sawiho niin Building luahlai insawn chungchang te leh a hmunhma thuamthat chungchang te rel a ni bawk.