Tlaizawng leh Khawpuitan Hapta hmang dawn

Mizoram-a a vawikhatna atan Vawiin, December ni 17, 2024 atanga karleh Thawhtanni, December ni 23 inkar chhung khian Tlaizawng leh Khawpuitan Hapta chu Chawngtlai khuaah hman a ni dawn.

Chawngtlai khua hian kum 2016 atang khan Tlaizawng Park siamin bul an lo tan tawh a, kumin hian a vawi khatna ni turin Tlaizawng Hapta hi an buatsaih a, Vawiin hian Hapta hawnna hun buatsaih tura ruahman niin he Tlaizawng Hapta-ah hian Tlaizawng kunga dawh Leihkapui Photo Booth engemaw zat a awm dawn a, a tlawhtute leh thlalak lama tuimi te tan a man hla hle tura ngaih a ni.

Hei bakah hian Adventure lam tui mite tan Mizo History a hmun pawimawh tak luahtu, Khawpuitan tlangdung feet 5600 chuang a sang, Kilometre 5 dawna thuiah Trekking Route mumal tak siam a ni a, kham chhengchhe tak tak leh khambang tial mawi tak takah te Trekking tiin a chet tlat theih dawn bawk a ni.