GITAM University in Mizoram sawrkar kutah hlan

GITAM University, Visakhapatnam chuan Mizoram sawrkar-a Horticulture leh Rural Development Department ten an mamawh anga an hman turin nimin khan ‘Hybrid Solar Dryer with Automated Temperature Controller Technology’ chu Minister Prof. Lalnilawma hnenah an hlan.

DST GITAM – Technology Enabling Centre atanga lo kal mithiam te sawi danin ‘Hybrid Solar Dryer with Automated Temperature Controller Technology’ hi Technology Enabling Centre-a thiamna thar 22 an duanchhuah zinga pakhat a ni a. Ni zung hmanga chak zawka thlai tharchhuah phorona tur niin 89 degree Celsius thleng a sa a dah theih a ni a. He technology hmang hian thlai phorona, ‘Solar Dryer Unit’, ft. 6 bial pathum chu cheng sing ruk bawr velin a khawr pum theih beisei a nih thu an tarlang bawk.

Horticulture Minister Prof. Lalnilawma chuan Mizorama kuthnathawktute thlai tharchhuah sawngbawl nana phoro leh rep ro nan hun, sum leh tha tam tak senral a nih thin thu sawiin, Hybrid Solar Dyer Technology hmang hian heng harsatna te hi sutkian theih a nih a rin thu a sawi a. Horticulture Department hnuaia Mission for Integrated Development of Horticulture (MIDH) chak lehzuala kalpuina tur hmanraw tangkai a nih ngei a beisei thu a sawi a. Kuthnathawktute tihhmasawn duhna avanga GITAM University leh Technology Enabling Centre (TEC), Mizoram University-te inpekna chu lawmawm a tih thu Minister chuan sawiin, ramin hmasawnna kawng a zawh zel theihna turin thawhho chhunzawmpui ah a sawm nghal a ni.

Nimin-a he hun hman ah hian GITAM University, Visakhapatnam atang hian Dean, Prof. Raja Phani Pappu leh Mizoram sawrkar aiawhin Minister Prof. Lalnilawma te chuan ‘Letter for Technology Transfer Understanding’ ah hming an ziah hnan a ni.