Supply Minister in Diaspora Cell din a nih thu a sawi

Revenue Minister B. Lalchhanzova chuan rampawn-a Mizo chengte hmakhua ngaiin Chief Minister Office hmalakna in khawvel huapa Zofate kuahkhawm tur ‘Diaspora Cell’ din a nih thu a sawi.

Tripura khawpui, Agartala-a Land Revenue Department kalphung te zirchiang tura zin Revenue Minister B.Lalchhanzova chuan November ni 28 zan khan Agartala-a Mizo awm te nen Community Outreach Programme an hmang a; he hunah hian Minister chuan Tripura-a Mizo cheng te chu Mizoram sawrkarin a ngaihven thu sawiin, ram pawna Mizo chengte hmakhua ngaiin Chief Minister Office hmalakna in khawvel huapa Zofate kuahkhawm tur Diaspora Cell din a nih thu hi a sawi a. Mizoram siamthat hna kal mekah ramchhung leh pawna awm ten an ngaihdan zau taka an sawi theihna tur remchang siam tam a tul thu leh sawrkar neitu mipui te rawtna leh ngaihdan ngaihthlak sak zel a pawimawh thu te a sawi bawk.

He hunah hian Agartala Mizo Welfare Association leh Agartala Mizo Service hruaitute bakah Synod Mission Board hnuaia Tripura Mission Field, BCM Field, ECM leh Salvation Army hnuaia thawktute bakah Tripura Sawrkar-a Mizo Officer te leh zirlai engemaw zat an tel a. Agartala Mizo te chuan Minister hnenah hian an mamawh leh thil tul te thlenin Minister chuan Tripura Supply Minister Sushant Chowdhury nen an inkawmna ah heng an thu thlen te hi a sawipui nghal a ni.