Sawhthing lei sak tan

Zonuna Kawlni (LENKAWL) • December 2, 2024 • Comments • Mizoram

North Eastern Region Agri Commodity e-connect (NERACE) leh Mizoram Agricultural Marketing Board (MAMB) te tangkawp chuan Champhai District Dungtlang khua a Sawhthing thianghlim leh fai tha Grade-A, Matric Ton 11 chu Inrinni khan Hliappui Self Help Group (SHG) VO1 Ginger Processing Unit hnenah an hralh a, Hliappui SHG hian heng Sawhthing te hi a tul angin an sawngbawl dawn tih sawrkar thuchhuah chuan a tarlang a ni. NERACE hian Sawhthing bakah Hmarcha lei leh hralh thu ah Online kaltlanga a leitu tur (buyer) leh a thartu (farmer society) te thlun zawm turin chak takin hma an la mek a. Mizoram Agricultural Marketing Board-te nen thawkhoin Mizoramin Sawh-thing a tharchhuah ang angte man man zawk a hralh a nih theih nan hma an la mek a ni.