Kawng dinhmun enfiah

Zonuna Kawlni (LENKAWL) • December 2, 2024 • Comments • Mizoram

Champhai North Bialtu MLA leh Adviser to Chief Minister Er. H. Ginzalala chuan Indo-Myanmar Border Road Package 1 leh 2 (Teikhang-Mimbung-Sinzawl) leh NH 102B (Ngopa-Saitual) te chu Inrinni khan a enfiah a, Indo Myanmar Road (Tuivai Road) Mimbung - Parva II chu National Highway Status a nih theih nana hmalak dan tur sawihoin a tul angin Central sawrkar hotute hnenah State sawrkar leh NHIDCL ten an bawhzui dawn a ni. Heng bakah hian Khan-kawn (Tuivai) - Keifang NH 102B hnathawh mek chu a hmunah enfiah nghalin, Package III Hliappui - Keifang kawng chu tun thal chhung ngei a zo tur leh Furpui lai pawha harsatna a awm loh nana hnathawk turin a ngen a. NHIDCL hotute hian June 2025 hma ngeia zawh an tum thu an lo hrilh a ni.