RD Minister in hmalakna tlawh

Khawbung RD Block-in ‘Project Rotling - Hmasawnna Rahbi Thar’ hnuaia hma an lakna, ‘Project Sustainable Livelihood through Ericulture at Chhingzawl Ram’ chu nimin khan RD Minister Prof. Lalnilawma chuan a hmunah a tlawh a, he Project hi Rural Development leh Sericulture Department-te thawhdunna (convergence) niin Chhingzawl rama Mutih, Pangbal leh thlai dang te chawmna atan tui lak hna kalpui mek a ni a. He project hnuaiah hian Chawngfianga tui, Mu bu ram ami chu lak niin Tui dahkhawlna atan tuizem lian pakhat siam a ni bawk a, a thlang lamah ruahtui khawlna tur leh tuizem lian atanga tui sem thlakna tur tuizem (medium size) panga siam a ni bawk.