Corporator in sum dawng tlem

Zonuna Kawlni (LENKAWL) • December 3, 2024 • Comments • Mizoram

Aizawl Municipal Corporation (AMC)-a Corporator ten sawrkar kum kal mekah Fund chanve an la dawng phak lo. Hemi chungchanga Akashvani Correspondent zawhna chhangin Finance & Accounts Officer (FAO) HT. Lalropuia chuan kum 2024-2025 sawrkar kum-a Budget siam laiin Ward 19-a Corporator ten Ward Fund nuai 35 theuh dawng thei tura ruahman a nih thu sawiin, ULB Grants 2023-24 ah First leh Second Installment-ah cheng nuai 5 ve ve dah a ni a, ULB Grants 2024-25 ah cheng nuai 10 dah a ni bawk a. Property Tax khawn mek atangin cheng nuai 15 theuh dawng thei tura ruahman a nih thu a sawi bawk. HT. Lalropuia chuan kum 2023-24 First Installment chiah dawn a la nih thu sawiin, kumin chhunga Budget dah angin an kal theih loh thu a sawi a ni.