Naupang khawih chingpen thubuai ah mi 41 hrem tawh

Zonuna Kawlni (LENKAWL) • December 2, 2024 • Comments • Mizoram

Aizawl District Court-a Fast Track Special Court chuan kum 2021 atanga kumin November thla chhungin naupang khawih chingpen thubuaiah mi 41 thiamloh a chantir tawh.

Fast Track Special Court-a thawktuten an chhinchhiah danin, kum 2021 atanga kumin November thleng khan Court-ah hian hursualna laka naupangte humhimna dan, POCSO Act hnuaiah thubuai 67 an chingfel tawh a, chung zingah chuan hursualna hmanga naupang khawih chingpentu mi 41 chu thiamloh chantir an ni. Kum 2021 khan mi 9 thiamloh chantir an awm a, kum 2022-ah mi 10, nikum leh kumin thla 11 chhungin mi 11 ve ve thiam loh chantir an awm tawh bawk.

POCSO Act hnuaia thiamloh chantir zinga mi 9 te chu kum 20 chhung lung In tang tura hrem an ni a, a bak chu kum 5 leh kum 7 inkar tang tura hrem an ni bawk.