ILO aiawh ten Mizoram an rawn tlawh mek

International Labour Organization (ILO)-a Deputy Director Satoski Sasaki leh Sr. Programme Officer Divya Verma-i te chuan nimin khan Mizoram tlawh tura Aizawl rawn thlengin Labour, Employment, Skill Development & Entrepreneurship (LESDE) Department hotu ten an lo dawngsawng a. Secretariat Conference Hall-a anmahni lawmna hun lo buatsaih ah LESDE Minister Lalnghinglova Hmar chuan Mizoram thalaite leh kut hnathawktute tana hmalakna duhawm tak thlen thei tura ILO aiawh in an rawn tlawh chu lawmawm a tiin thawhhona tha neih pui ngei a inhuam thu a sawi a. ILO aiawha rawn kal te pawhin ILO hnuaia Programme leh project an kalpui hrang hrangte chu he hunah hian sawifiahin, Mizoram tana hmalakna awm thei apiangah kawng hawnsak an inhuam thu a sawi bawk.