Governor in MYC hmalakna te a sawipui

Zonuna Kawlni /

Governor Dr. Hari Babu Kambhampati chuan nimin khan Mizoram Youth Commission (MYC) Chairman Malsawmzuala Ralte chu Raj Bhavan-ah kawmin MYC hmalakna leh hmachhawp te a sawipui.

Governor chuan India ram hmun hrang hranga hnathawh tur remchang tam tak awmte Mizo thalaite'n an hmuh theih nana chak zawka hmalak a tul thu sawiin, zirna sang zawk bel lo, thingtlang kilkhawr zawka awmte thlengin an kum in a phak phawt chuan hna an hmuh theih nana puih a tul thu a sawi a. Qualification leh an tuina azir zela thalai hna zawngte register-a data mumal tak neih fel hmasak a tul thu leh hna a awm veleh an zawm theih nana lo inhmakhua lawk a tul thu a sawi bawk. Governor chuan Mizo thalaite chu mahni awmhmun chhuahsan hreh lo tur leh hmundanga hna zawnga chhuah tum turin a fuih a, MYC hotute chu Mizo thalaite'n hna tam zawk an hmuh theih nana theihtawp chhuah tur lehpuih a tul huna pui tura a inhuam reng thu a hrilh a ni.

MYC Chairman Malsawmzuala Ralte chuan an hmalaknate Governor hi hrilhin thalai 43 te'n MYC kaltlanga hna an hmuh thu a sawi a. Thalaite hmakhua ngaia Govenor-in State danga hnathawh tur a ngaihtuah sak thin leh tunhnaiah Governor hmalaknaa Sri City, Andra Pradesh-ah Mizo thalai 8 te'n hna thar an hmuh avangin lawmthu a sawi bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »