YMA Chanchinbu enkawl dan zirhona buatsaih
YMA Sub-Hqrs. Serchhip Rorel Inkhawm vawi 4-na kumin April 30-a neih in YMA Chanchinbu enkawltute ten Training neih a rel angin nimin khan Serchhip Sub-Hqrs. YMA Conference Hall-ah he hun hi hman a ni a, Serchip Sub-Hqrs. YMA President Kawlthuama chuan kumin a YMA Rorel Inkhawm in a rel anga Chanchinbu enkawltute tana Training buatsaih a ni chu lawmawm a tih thu sawiin, Branch hrang hrang atanga tel ten he hun hi tangkai tak leh hlawk taka an hman ngei a beisei thu a sawi bawk a ni.
Serchhip Sub-Hqrs. YMA Media & Do-cumentation Committee Chairman H. Lalchhungliana kaihhruaia he hun hman ah hian I&PR Department-a Deputy Director leh Serchhip-a DIPRO Lalnunmawii chu Resource Person atan hman a ni a, Chanchinbu enkawl dan kalhmang te leh Mizo tawng ziah dan chungchang te sawiin, chawhnu lamah Assistant Public Prosecutor Lalrosanga Colney leh Serchhip DCPO Lalsiampuii te chuan Dan pawimawh chi hrang hrang an zirtir thung a, Bharatiya Nyaya Sanhita te, Bharatiya Nagarik Suraksha Sanhita leh Bharatiya Sakshya Adhiniyam te bakah hleilenna laka naupangte humhimna leh hursualna laka naupangte venhimna dan chi hrang hrangte zirho a ni a, zawhna leh chhanna hun leh sawihona hun hman a ni bawk.
Comments
Post a Comment