Tlangnuam-a EMRS sak mek a hmunah enfiah

Mizoram State Project Monitoring Committee (MSPMC) chuan Tlangnuam-a Eklavya Model Residential School (EMRS) sak mek chu Zirtawpni khan an enfiah.

Mizoram State Project Monitoring Committee (MSPMC) hian an Vice Chairman R.L. Rinawma hovin Academic Building leh Office-te, Girls Hostel, Boys Hostel, Kitchen cum Dinning Hall, Staff Quarters Block pathum (3) leh Non-Teaching Staff Quarters te an endik nghal a. Heng Building te hi zawhfel vek la ni lo mahse kumin 2024-2025 Academic year-ah hian Class VI leh VII-ah Admission lain EMRS Society, Govt. of India thu angin zirna hi tan a ni a. Heng bulding endikah te hian thawmthat ngai leh hna hmabak chhunzawm ngai engemaw zat hmuh a ni a. A hmunah Pre-Visit leh Post Visit discussion te neiin, Ruth Vanlalmalsawmi, Joint CEO, Mizoram EMRS Society & Joint Director, SW&TA leh Contractor te hi MSPMC hian thutkhawm an neihpui nghal a ni.

Eklavya Model Residential School (EMRS) Tlangnuam-a hna hrang hrangte hi cheng vbc. 23 senga sak niin tunah hian za zela 97 (97%) vel zawh tawh a ni a. Hna zawng zawng hi December 2024 chhung khian zawhfel vek tum a ni.