NHIDCL hnuaia Contractor lakah lungawiloh lanti tum

Lunglei Thalai Pawl chuan Lunglei leh Tlabung inkar NH-302 kawngpui chhe lutuk chungchangah NHIDCL hnuaia Contractor laka lungawi lohna lantir an tum.

Inrinni-a thuthar thehdarhtute a kawmna ah an pawl President Lalduhawma chua he kawngpui chhe lutuk vang hian harsatna tam tak a thleng tawh tih sawiin, Pawl hrang hrang pawhin he kawng siam mek hi an vil thin a, mahse hmasawnna hmuh tur a awm lova, kawng siamtute hian tihtakzetin he kawng siam that hi an vei lo a ni, a ti. Lunglei Thalai Pawl chuan Phairuang Lei leh Tuichawng Lei phei chu siamtha tura hmalak miah loh angin Vawiin thlengin a la awm niin an sawi a. Hei bakah hian Hrangchalkawn, Theiriat, Luangmual, Lunglawn leh Sazaikawn huam chin phei chu kutthlak a tlem hle niin an sawi a ni.

Aizawl-Thenzawl-Lunglei kawngpui chhe lutuk pawh veiin, sawrkarin cheng vbc. 3.06 a dah chu High Court-ah PIL an thehlut a, High Court chuan PIL hi ngai pawimawhin kumin October ni 30 khan Mizoram sawrkar chu kawng siam dan thlalak leh Affidavit siama thehlut turin a hriattir tih an sawi bawk a ni.